Fitjar kommune si fritidskasse har som mål å inkludere flest mogleg barn og unge i fritidsaktivitetar. I samarbeid med lag og organisasjonar skal me i fellesskap nå meir direkte ut til dei barna som treng det, og sørge for at økonomi ikkje er til hinder for at dei som ynskjer å delta i organiserte fritidsaktivitetar.
På sida Aktivitet for alle finn du oversikt over fritidsaktivitetar i Bømlo, Fitjar og Stord som du kan bli med på!
BRUK AV FRITIDSKASSA
Fitjar kommune si fritidskasse skal gje bistand og støtte uten å motta sensitive personopplysningar om utsette barn og deira familiar. Søknadsprosessen er ubyråkratisk, rask og enkel da me forvalte Fritidskassa med stor tillit til deg som søkjar.
Send ein søknad for å søkje om støtte til ditt barn.
Sjå lenke her for søknadsskjema: https://www.fitjar.kommune.no/fritidskasse.561689.nn.html
Kven kan få midlar frå fritidskassa?
Målgruppa er barn og unge frå 5 – 24 år som av ulike grunner ikke deltar på faste fritidsaktiviteter kvar veka. Dette kan det vere mange grunnar til, men i hovudsak kan det være knytt til familien sin økonomi.
I utgangspunktet gjer me støtte til ein aktivitet per barn i halvåret.
-Barnet må ha bustadadresse i Fitjar kommune.
Kva kan me få dekka gjennom Fritidskassa?
Midlar frå fritidskassa kan dekke kostnadar til utstyr til ein fritidsaktivitet, deltakarutgifter til cup/leir, reise/ transport og måltid.
Føremålet med fritidskassa
Fritidskassa er ei behovsprøvd ordning som gjev økonomisk støtte til deltakaravgift, utstyr og/eller reiser, cupar, leirar med meir for barn og unge i alderen 5 — 24 år, og som bur i Fitjar kommune. Målgruppa er barn, unge og familiar som av ulike årsaker treng økonomisk støtte for at barnet/ungdommen kan delta på éin organisert fritidsaktivitet.
Inntekstopplysninger
Økonomien i hushaldninga vert vurdert opp mot inntekta i hushaldninga. Utgangspunktet er at hushaldninga har ei årsinntekt som ligg under 598.825,- men her vil det vera rom for eit skjønn frå sak til sak.