Vestnes kommunes støtteordninger

Vestnes ungdomsråd lyser ut tre ungdomsstipend à kr 2 500, som etter forslag eller søknad kan tildelast ungdom mellom 13 og 20 år som har utmerka seg i kategoriane song/musikk, idrett og anna kulturkategori.

Forslag/søknad skal grunngjevast og sendast til: postmottak@vestnes.kommune.no 

Søknadsfrist blir utlyst på vestnes.kommune.no

Vestnes kommune lyser ut kulturmidlar til frivillige lag og foreiningar kvart år. Ein kan søke på eige skjema med frist 25. april.

Kven kan søke?
Lag og organisasjonar som er registrert i Frivilligregisteret og driv aktivitet i Vestnes kommune.

Ikkje registrert i Frivilligregisteret? Du kan registrere deg her.

Kva kan det søkast tilskot til?
Kommunale kulturmidlar er eit tilskot til den daglege drifta av lokale lag og organisasjonar. Barne- og ungdomsarbeid har høg prioritet.

Kulturmidlane er delt inn i desse kategoriane:

-Idrett og friluftsliv
-Song, musikk og scenekunst
-Andre kulturformål  

Vestnes idrettsråd tilrår korleis midlane skal fordelast mellom idrettsorganisasjonane som er knytt til Noregs idrettsforbund. Eit lokalt råd med utspring i Vestnes kulturskule tilrår korleis midlane skal fordelast i kategorien song, musikk og scenekunst, medan Administrasjonssjefen tilrår fordelinga i kategorien andre kulturformål.
Vestnes formannskap vedtek den endelege tildelinga i alle kategoriane.

I tillegg til kulturmidlane, tildeler Vestnes kommune også midlar til ulike øyremerkte tilskot, ungdomstiltak, Ungdommens kulturmønstring og ungdomsstipend.

Slik søker du
Søknaden må innehalde informasjon om aktiviteten i laget. 

Du søker kulturmidlar (aktivitetstilskot) her:

https://skjema.vestnes.kommune.no/skjema/VES0027/

Vedlegg til søknaden:

-Årsmelding
-Rekneskap for siste året
-Du kan laste opp vedlegga direkte i søknadsskjemaet.

Søknadsfristen er 25. april

Kommunale næringsfond skal brukast til å styrke nyskaping, innovasjon og næringsutvikling i berekraftsfylket Møre og Romsdal. Støtte frå næringsfondet skal utløyse vekstpotensiale i lokale bedrifter, og bidra til å nå kommunane sine mål for lokalsamfunnet.

Kven kan få tilskott
Krav som vert stilt for å få tilskott, kort samanfatta:

-Det kan gjevast tilskot til bedrifter, og til aktørar som legg til rette for næringsutvikling (unntaksvis til kommunane sjølve). -Tiltak som markedsføring, næringsutvikling og mindre investeringar
-Ved vurdering av søknadane skal kommunane legge vekt på - om tiltaket treff formålet med ordninga - i kor stor grad tiltaka vil motverke utfordringane som korona pandemien har skapt - kor raskt tiltaka kan settast i verk
-Skal ikkje være tilskott til å dekke tap i koronatida, eller tiltak for å komme tilbake til «gammalt produksjonsnivå» etter reduksjon grunna korona.

I vurdering om støtte skal tiltaket sin betydning for arbeidsplassar, verdiskaping og økonomisk aktivitet vektleggast.

Slik søker du
Søknad skal sendes via nettstedet Regionalforvaltning.no