Austrheim kommunes støtteordninger

Kulturmidlar

1. Kulturmidlar kan delast ut til frivillige lag og organisasjonar som har sitt virke
i Austrheim kommune, og som driv ein jamn og fast aktivitet. Kulturmidlane
skal ikkje gå til einskildpersonar. Det kan delast ut midlar til regionale
organisasjonar, foreiningar og lag, med medlemer i Austrheim.
Det er då eit krav at organisasjonen/laget/foreininga oppgjer kor mange
medlemer som bur i Austrheim.
2. Kulturmidlane vert delt ut ein gong i året, i juni månad
3. Tildeling av midlar skjer etter skriftleg søknad.
Søknadsskjema vert automatisk sendt til dei laga som er registrert på
kommunen si heimeside. Elles vert søknadsfrist lyst ut i Kyrkjebakken og på
heimesida til kommunen.
4. Søknaden skal innehalde følgjande:
- namn på søkjar
- medlemstal
- årsmelding
- planar for drifta inneverande år
- budsjett for inneverande år
- rekneskap
5. Tilskot frå kulturmidlane skal ikkje gå til lag og organisasjonar som berre driv
og/eller leiger ut bygg.
6. Fordeling av kulturmidlar vert primært fordelt etter følgjande nøkkeltal:
- Idrett og friluftsliv 35 %
- Song og musikk 30 %
- Andre 35 %
7. Austrheim kommune ønskjer at alle lag og organisasjonar tek i bruk
kulturkalenderen på heimesida . Vi vil også oppfordre til samarbeid mellom
lag og organisasjonar, og til å godta føljekort.

1. Føremål og målsetting

Midlar til kommunale næringsfond kan kvart år avsetjast i kommunebudsjetta.
Næringsfondet skal nyttast til å styrke nyskaping, innovasjon og
næringsutvikling i Austrheim kommune. Målet er å skape fleire nye bedrifter og
arbeidsplassar, og vidareutvikle eksisterande bedrifter.
Unge, kvinner og ulike innvandrargrupper er å sjå som viktige, men lite utnytta ressursar når
det gjeld entreprenørskap. Desse målgruppene skal derfor gjevast særskild prioritet ved
tildeling.

2. Prioriteringar
Tiltak som skal prioriterast spesielt:
• Industriutvikling.
• Gründerar og nyskaping.
• Reiseliv og havsport.
• Kompetanseutvikling.
• Profilering og samarbeidstiltak.

Ordførar Per Lerøy er kontaktperson for søknader frå næringsfondet.

Les retningslinjer på austrheim.kommune.no