Kulturstipend

Det er opna for ein ekstra søknadsrunde for tre av tilskotsordningane, med søknadsfrist 15. mai. Dette gjeld ordningane

-Drift kulturorganisasjonar
-Festivalsatsing
-Driftstilskot til frivillige organisasjonar som driv kulturarbeid for born og unge

Retningslinjer for tilskot til arbeid med kultur og folkehelse blei revidert og vedteken av Levekårsutvalet 3. februar 2021. Dei tidlegare ordningane med tilskot til materiell og utstyr, trivselstiltak, kulturvernoppgåver og prosjekt og arrangement er lagt ned. Kvinnherad kommune har prioritert å behalde tilskotsordningar som hovudsakleg rettar seg mot drift, og aktivitet for born og unge.

Søknadsskjema er digitale, og det er disse som skal brukast for å søkje tilskot. Vi gjer merksam på at det ikkje er mogleg å lagre undervegs, og at ein difor bør gjere klar all informasjon før ein starter utfyllinga.

Les mer på kommunens nettsider.

Kulturdepartementet fordeler kvart år tilskot av spelemidlane til anlegg for idrett og fysisk aktivitet, slik at flest mogleg kan drive idrett og fysisk aktivitet. Anlegg som det skal søkjast om spelemidlar til må vera del av Kommunen sin handlingsplan for idrett, fysisk aktivitet og friluftsliv. Handlingsprogrammet vert rullert kvart år.

Ein kan søkje om spelemidlar til:

Nærmiljøanlegg:

Anlegg eller område for eigenorganisert fysisk aktivitet, hovudsakleg i tilknyting til bu- og/eller opphaldsområde. Med nærmiljøanlegg er meint bare utandørsanlegg
Grunnlag for tilskot er avgrensa oppover til kr. 600 000,-. Nedre godkjende kostnadsramme er kr 50 000,-
Ein kan søkje om tilskot på inntil 50% av godkjend kostnad. Maksimalt tilskot per anleggseining er kr 300 000,-. Nedre beløpsgrense for godkjend kostnad er kr 50 000,- (tilskot kr 25 000,-).
Det kan søkjast om tilskot til fleire anleggseiningar innanfor same anleggstad.

Ordinære anlegg:

Anlegg for organisert idrett og fysisk aktivitet. Det vert ikkje ytt tilskot av spelemidlane til drift, leige, kjøp av grunn eller dekning av gjeld. Det kan søkjast om tilskot til bygging og/eller rehabilitering av idrettsanlegg som er opne for allmenn idrettsleg verksemd (idrett og fysisk aktivitet for alle), og som ikkje er underlagt fortenestebaserte eigarformer og/eller driftsformer.
Der anna ikkje er fastsett, kan det ytast tilskot til ordinære anlegg medrekna rehabilitering på inntil 1/3 av godkjend kostnad. Høgaste tilskotsum er kr 1 000 000.

Utfyllande informasjon om bestemmingar knytt til søknad om spelemidlar finn du på www.anleggsregisteret.no
 

Det kan søkjast om tilskot frå kommunen sitt næringsfond. Særleg gjeld dette nyskapande prosjekt og prosjekt som fører til betre sysselsetjing i næringssvake område.

Søknader om midlar frå næringsfondet skal stilast til "Styret i næringsfondet" (formannskapet). Etter at det er føreteke ei vurdering av søknaden, vert den lagt fram for fondsstyret til avgjerd. 

Søknadsfristar: 15 oktober og 15. april. Søknad sender du inn via Regionalforvaltning.no

Les vedtekter på kommunens nettsider.