Kulturpris

Det kan søkjast om midlar innanfor seks kategoriar:   

-Kultur- og aktivitetstilbod for barn og unge  
-Allment kulturarbeid  
-Kulturarrangement og -prosjekt  
-Vedlikehald/oppgradering av forsamlingshus/bygdahus  
-Kulturminne/kulturarv  
-Andre stønadsordningar  

For alle kategoriane er det utarbeidd felles vilkår for å kunne søkja om kulturmidlar. Retningslinene har òg ein kort omtale om kva som gjeld for den einskilde kategori.

Studer gjerne retningslinjene nøye.

Sjå retningslinjer og søk elektronisk her:

https://www.sogndal.kommune.no/kulturmidlar.525001.nn.html

Søknadsfrist og handsaming

Hovudsøknadsrunden har frist 1. april. Svar på søknaden vil føreliggja etter møte i utval for samfunnsutvikling 15. juni. Det vil vera ein sluttrunde med søknadsfrist 1. oktober.

Tilskot under kategori 3. Kulturarrangement og -prosjekt, kan søkjast heile året. 

Tilskotsordninga er eit ledd i arbeidet med  å leggja til rette for kreativ utvikling av nærmiljøa til innbyggjarane i heile kommunen  og kjem som eit tillegg til moglegheita frivillig sektor har for å søkja på ordinære kulturmidlar. 

Døme på tiltak det kan søkjast på er: 

• innkjøp av leikeapparat på fellesareal 
• bygging av mindre nærmiljø-/aktivitetsanlegg 
• forbetra/etablera lokal samlingsplass 
• ny opparbeiding og utbetringar av/på eksisterande leikeplass 
• laga/utbetra turstiar/korte turvegar 
• gjera kulturminne tilgjengelege 
• aktivitetar

For fysiske tiltak og anlegg vert det gjennomført to søknadsrundar. Ein runde på våren og ein på hausten. Første søknadsfrist er 11. april. Me håpar å få saka klar til politisk handsaming i slutten av april og å utbetala tilskotsmidlane i mai. Maksimal tilskotssum til fysiske tiltak er kr 80 000,-.
For aktivitetsmidlar og arrangement er det rullerande søknadsmoglegheit under denne ordninga. Maksimal søknadssum for dette er kr 10 000,-

Sjå retningsliner og søk elektronisk her:

https://www.sogndal.kommune.no/naermiljoetiltakanlegg-meir-informasjon-om-ordninga.553947.nn.html

Sogndal kommune sin «Fritidskasse» har som formål å leggje til rette for at fleire barn og unge kan delta i faste, organiserte fritidsaktivitetar.

Lag og organisasjonar kan søkje på vegner av barn og ungdom som har vanskar med å dekke utgiftene som krevst for å delta. Fritidskassen kan dekke deltakaravgift, utstyr, avgift til turneringar/cup/leir eller reise- og opphaldsutgifter i samband med dette.

Ordninga er støtta av Bufdirs tilskotsordning «Inkludering av barn og unge» og er ei prøveordning i kommunen med avgrensa midlar ut 2024.

Det er idrettslag og frivillige organisasjonar som kan søke på vegner av familiar/barn og unge. Midlane blir utbetalt til idrettslag/frivillig organisasjon, ikkje direkte til familiar/barn og unge.

Til idrettslag/frivillige organisasjonar

-Det er anbefalt at idrettslag/frivillig organisasjon utnemner ein fast kontaktperson som søker på vegner av brukarar i sitt idrettslag/frivillig organisasjon.
-Informer trenere/instruktørar/leiarar og frivillige om ordninga.
-Informer medlemmane om ordninga.
-Om de blir kontakta av familiar eller barn og unge som har økonomiske utfordringar, men ynskjer å delta i fritidsaktivitet, informer om ordninga og søk på vegner av dei.
-Hugs å gå gjennom retningslinjer og kriteria for støtte. Det er særleg viktig at ordninga ikkje vert opplevd stigmatiserande for brukar og at teieplikta blir oppretthalden.

Les meir på kommunens nettsider:

https://www.sogndal.kommune.no/fritidskasse-tilskot-til-deltaking-i-fritidsaktivitetar.603875.nn.html