Kommunalt utdanningsstipend

Kva slags tilskot er dette: 
Kunstnarstipendet er oppretta av Eidfjord kommune og er på minimum kr. 30.000,-  

Kven kan søkja: 
Stipendet kan søkjast av kunstnarar og kunsthandverkarar som fyller krav til opptak i ein kunstnarorganisasjon i Noreg eller tilsvarande utanlands organisasjon. 

Krav til søkjar: 
-Kunstnaren som mottek stipendet må arbeida i Eidfjord kommune i stipendåret. Opphaldet bør strekkja seg over 4-6 veker. -Kommunen stiller til rådvelde atelier og bustad i Bergsliskorane
-Stipendiaten bør inviterast til å halda utstilling i Galleri N.Bergslien, eller utføra anna kunstnerisk formidlingsarbeid i  kommunen
-Stipendiaten får tilbod om opphald i kunstnarbustaden under opninga/monteringa av utstillinga eller i samband med  formidlingsarbeid

 Kommunen ynskjer å byggja opp ei kunstsamling med arbeid av stipendmottakarane. Stipendmottakaren bør difor gje kommunen eit kunstverk frå arbeidsperioden i kommunen. 

Handsaming: 
Ein eigen jury, samansett av ein representant frå formannskapet, ein frå rådmannen og ein kunstnar frå Hordaland Kunstnarsenter, vel ut stipendmottakar på grunnlag av vitaliste og 5 innsendte digitale bilete
Kunstnarstipendet vert kvart år avgrensa av kommunestyret sitt budsjettvedtak. Unytta midlar vert overført til eige disposisjonsfond

Søknadsfrist: 
1. mai kvart år, stipendet vert lyst ut i eigne publikasjonar. Søknad sendast til postmottak@eidfjord.kommune.no saman med vitaliste og 5 innsendte digitale bilete. Merka søknaden med kunstnarstipend. 

Det  kan det søkjast om stønad til kulturtiltak som har kommunal eller lokal verdi og som er opne for alle. Stønad kan også søkjast av enkeltpersonar i kommunen. Døme på kulturtiltak kan vera:

-kulturarrangement
-kurs
-prosjekt.

Prosjekt er tidsavgrensa aktivitet , tiltak, arrangement/arbeid som ikkje er ordinær drift av organisasjonen. Ved handsaming av stønad til prosjekt vert nyskaping, samarbeidstiltak, tiltak for barn og unge, større konsertar/teater med profesjonelle utøvarar og eller/ i samspel med desse, og integreringstiltak for medlemer med spesielle behov vektlagt.
underskotsdekning

Søknad om stønad til kulturtiltak må vera kulturkontoret i hende i god tid før tiltaket skal setjast i gang. Søknad om kulturtiltak kan søkjast heile året, og avgjerd er delegert til administrasjonen. Dette gjeld for søknader med stønad på inntil kr 25 000. Stønad til kulturtiltak som kan søkjast heile året

Unntak:  Søknad om stønad til særs omfattande tiltak,( festivalar mv) , bør av omsyn til budsjettarbeidet fremjast seinast innan juli månad året før tiltaket skal gjennomførast.

Les meir og søk elektronisk på eidfjord.kommune.no

Frivillige lag og organisasjonar som skal arrangera festivalar eller større arrangement i Eidfjord kan søkja om:

-Lån/leige av bygningar og anlegg
-Praktisk hjelp
-Lån/leige av utstyr
-Økonomisk tilskot

Tilskot til større arrangement/festivalar  vert utlyst årleg, og vert utlyst i pressa, på kommunen si heimeside og ved oppslag.

Søknadsfrist er 15. september kvart år.

MERK: Søknad om stønad til særs omfattande tiltak (festivalar mv), bør av omsyn til budsjettarbeidet fremjast seinast innan juli månad året før tiltaket skal gjennomførast.