Aarsætherlegatet vart oppretta i februar 1918, til minne om Anders Knudsen Aarsæter og hustru Marte Nilsdatter Aarsæter, og legatet skal vere ”til beste for jordbruket og skogsakens fremme i Ørsta herred”, slik heiter det i stiftingsbrevet. I starten var legatet mykje ein jorddyrkingspris, og det har også vore delt ut stipend frå legatet, i tider med høgare renteinntekter enn vi har no.
Prisar frå legatet har ikkje vore delt ut årleg siste perioden.
Styre for legatet er ein representant frå Aarsæther-familien, 3 politikarar valde av kommunestyret, og ordførar, som er leiar for styret. Styret hadde møte 23. mai i år, og det vart vedteke å dele ut to jord- og skogbruksprisar i år.
Prisen består av ein diplom, som er teikna av Karl Straume i 1953. Og i tillegg får prisvinnarane lokal kunst, som i år er kvar sitt måleri av Rune Innselset.