Sparebanken Møre og Sande kommune deler kvart år ut kulturprisen for Sande.
Prisen vert utdelt på eit passande arrangement på slutten av året.
Prisen er på kr 20 000,-
Sande kommune ynskjer å få inn forslag kandidatar til kulturprisen for Sande kvart år.
Kven kan få kulturprisen?
Kulturprisen kan gjevast til einskildpersonar, lag eller organisasjonar i Sande kommune.
Desse skal ha vist vedvarande evne og vilje til å yte kulturinnsats utover det vanlege. Kulturarbeid kan definerast vidt.
Framlegg på kandidatar til kulturprisen kan fremjast av einskildpersonar, lag og organisasjonar.
Framlegget skal vere skriftleg og med grunngjeving.
Kven bestemmer kven som skal få prisen?
Det er sett ned ei nemnd som vurderer forslag til kulturpris-kandidatar.
Nemnda er sett saman av tre politisk valde representantar og ein representant frå Sparebanken Møre.
Frist for innspel:
1.november er frist for innsending av forslag til kulturpris.
Du finn retningslinjer og skjema for forslag av kandidater på kommunens nettside sande-mr.kommune.no