Språklova som tok til å gjelde 1. januar 2022, slår fast at offentlege organ skal følgje den offisielle rettskrivinga for bokmål og nynorsk, og at det er Språkrådet som forvaltar desse to skriftnormene. I arbeidet som Språkrådet gjer med normering og språkobservasjon, er det behov for meir kunnskap om praksis og variasjon i ulike typar moderne norske tekstar og om tilhøvet mellom bruken i tekstar og dei offisielle normene for nynorsk og bokmål.

Vi kan stø oppgåver som gir meir kunnskap til dømes om desse emna:

• utviklingstendensar i bruken av valfrie rettskrivingsformer i ulike teksttypar
• språket i elevtekstar sett i høve til normene i nynorsk og bokmål
• tilpassing av importord som kjem inn i norsk (skrivemåte og bøying)
• val av rettskrivingsformer i språkteknologiske ressursar og moglege konsekvensar av desse vala
• bruk av syntetisk og analytisk gradbøying for adjektiv
• bruk av fuge i samansette ord